Welcome to Manila North Tollways Corporation!

Katuparan ng Isang Pinag-isang Pangarap: Pangunahing Salita
(July 20, 2005)
Marilao, Bulacan
by JOSE P. DE JESUS
    Magandang umaga po sa inyong lahat. Pinagpala po ang araw na ito. Sapagkat, ngayong araw sisimulan na ang pagtupad sa isang pangarap nating lahat. May malaking kahulugan para sa mga taga Mary Grace Subdivision dito sa Santa Rosa itong proyektong pabahay na handog ng Lopez, MNTC at Gawad Kalinga. 

    Ang tahanan – at hindi lang po tirahan – ay isang matatag na foundation ng isang pamilya.  Magmula ngayon, ang bawa’t pamilya na narito ay maaari nang harapin ang bukas – na may pagtitiwala sa kanilang kakayahan. Sa tulong ng mga kaibigan.

    Ang inyong mga kaibigan ay ang buong puwersa ng Lopez Group, ng Manila North Tollways Corporation, at ng Gawad Kalinga. Narito kami para makiisa sa inyong magiting na Gobernador, Mayor at Barangay Chairman, kabilang ang kanilang buong pangkat na namumuno.  

    Ito na po ang kaganapan ng ating pinag-isang mithiin – ang isang bahay  – na tinawag naming "Shelter from Life’s Storms."  Sa madali’t salita, kasangga niyo kami para harapin ang anumang bagyo  o oportunidad sa kinabukasan. 

    Hindi basta-basta lang magpatayo ng isang bahay, hindi po ba?  Kaya po, binuo namin ang isang proyekto na may kanya-kanyang partei ang bawa’t isa.  Ang Lopez Group at MNTC po ay nag-bigay ng tatlong daang libong piso bawa’t isang bahay.  Ang total po ay P15 milyon para sa limampung bahay! These are fifty brand new houses for fifty families.

    Ito po ang pinamagandang 50-50! Hindi po ito para sa naghihingalo – hindi po. Ito po ay para sa inyo – kayo  na buhay-na-buhay ang pangarap, kayo na masiglang nagbubuwis ng pawis – o ang tawag naming "sweat capital."  

    Ang Gawad Kalinga ay ka-partner din dito. Ang aming joint mission ay mai-angat ang Pamilyang Filipino. Malaking parte ang kontribusyon naman ang malawak na loteng nai-donate ng inyong Mayor. Dito tatayo lahat ang limampung bahay para sa inyo!

    Makahulugan ang ginawa nating "groundbreaking ceremonies" ngayon.  Magmula sa lupang ating binungkal ay  uusbong ang sinkwentang tahanan sa Santa Rosa.

    Maraming pang pawis ang papatak (pati na rin ang pawis ng aming maraming empleyado).  Pero, lahat ito ay sulit! Dahil tiyak, sa pagdating ng bagong taon – eksaktong anim na buwan magmula ngayon, bawa’t isa sa inyo ay magkakaroon ng bahay. Ito ay simula pa lamang ng isang magandang bukas.

    Mabuhay ang mga Bulakeño sa Santa Rosa, Marilao! 

    Mabuhay ang Pamilyang Filipino!

				
                                                  # # #